କେନାଲ ପାଣିରେ ବୁଡି ଜଣେ ମୃତ

କେନ୍ଦ୍ରାପଡା ସଦର ଥାନା ଅନ୍ତର୍ଗତ ଶ୍ୟାମସୁନ୍ଦରପୁର ଗ୍ରାମପଞ୍ଚାୟତର ନାନକାର ଗ୍ରାମର ପ୍ରାଣକୃଷ୍ଣ ବିଶ୍ୱାଳଙ୍କ ପୁତ୍ର ରଘୁନାଥ ବିଶ୍ୱାଳ(୫୮) ରବିବାର ସକାଳେ ସ୍ଥାନୀୟ ଗୋବରୀ କେନାଲର ହୁଡାଘାଟକୁ ଶୈାଚହେବା ପାଇଁ ଯାଇଥିବା ବେଳେ ତାଙ୍କୁ ହଠାତ ବାତ ମାରିବାରୁ ସେ କେନାଲ ପାଣିରେ ପଡିଯାଇଥିଲେ । ନିକଟରେ ଅନ୍ୟ କୈାଣସି ଲୋକ ନଥିବାରୁ ଏସମ୍ପର୍କରେ କେହି କିଛି ଜାଣିପାରିନଥିଲେ । ରଘୁନାଥଙ୍କୁ ପରିବାର ପକ୍ଷରୁ ଖୋଜାଖୋଜି ପରେ ଅପରାହ୍ନରେ ସେହି କେନାଲରେ ଏକ ଶବ ଭାସୁଥିବା ଖବର ପାଇ ପରିବାର ପକ୍ଷରୁ ସେହି ଶବକୁ ପାଣିରୁ ଉପରକୁ ଅଣାଯିବାରେ ତାହା ରଘୁନାଥଙ୍କ ଶବ ବୋଲି ଜଣାପଡିଥିଲା । ଏସମ୍ପର୍କରେ ଖବର ପାଇ ସଦର ଥାନା ପୋଲିସ ଘରଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଘଟଣାର ତଦନ୍ତ କରୁଥିବା ଥାନା ପକ୍ଷରୁ ଜଣାପଡିଛି । ରଘୁନାଥଙ୍କ ପରିବାର ଅତ୍ୟନ୍ତ ଗରିବ ହୋଇଥିବାରୁ ତାଙ୍କ ପରିବାରକୁ ସରକାରୀ ସହାୟତା ଯୋଗାଇ ଦିଆଯିବାକୁ ପୂର୍ବତନ ବ୍ଲକ ଅଧ୍ୟକ୍ଷ ପ୍ରଦୀପ୍ତ କୁମାର ମହାନ୍ତି ଦାବି କରିଛନ୍ତି ।