ଅବକାରୀ ବିଭାଗ ଇତିହାସରେ ପ୍ରଥମ ଅବକାରୀ ଏସ୍‌ଆଇଙ୍କ ଦକ୍ଷତା ବୃଦ୍ଧି ତାଲିମ

ଅବକାରୀ ସବଇନ୍ସପେକ୍ଟରମାନଙ୍କ ଦକ୍ଷତା ବୃଦ୍ଧି ଲାଗି ବିଭାଗ ଇତିହାସରେ ପ୍ରଥମଥର ପାଇଁ ସେମାନଙ୍କୁ ଅବକାରୀ ଆଇନ୍‌, ଏଥିରେ ଥିବା ବିଭିନ୍ନ ଧାରା, ଏନ୍‌ଡିପିଏସ୍ ଆଇନ୍ ସହିତ ଅବକାରୀ ମାନୁଆଲ ସଂକ୍ରାନ୍ତରେ ତାଲିମ ଦିଆଯାଉଛି । ପ୍ରଥମ ଦଫାରେ ୪୮ ଜଣ ଅବକାରୀ ସବ୍‌-ଇନ୍ସପେକ୍ଟରଙ୍କୁ ତାଲିମ ପ୍ରଦାନ ଆରମ୍ଭ ହୋଇଛି । ଭୁବନେଶ୍ବର ଅବକାରୀ ନିର୍ଦ୍ଦେଶାଳୟ ଠାରେ ରାଜ୍ୟ ଅବକାରୀ କମିଶନର ନରସିଂହ ଭୋଳ ଏହି ତାଲିମ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ । ଅବକାରୀ ଯୁଗ୍ମ କମିଶନର ଡକ୍ଟର ଦିବ୍ୟଲୋଚନ ମହନ୍ତ, ଯୁଗ୍ମ କମିଶନର ରାମ ଚନ୍ଦ୍ର ମିଶ୍ର, ଉପ କମିଶନର (ତାଲିମ) ରଜତ କୁମାର ପ୍ରହରାଜ, ଏକ୍ସାଇଜ୍‌, ଉପ କମିଶନର (ନୀତି) ଦେବଦତ୍ତ ଧଳ, , ଆକାଉଣ୍ଟସ୍ ଅଫିସର ଓ ପାଠ୍ୟକ୍ରମ ସଂଯୋଜକଙ୍କ ସମେତ ସମସ୍ତ ବିଶେଷଜ୍ଞ ମାନେ ଏହି ତାଲିମଅଧିବେଶନରେ ଯୋଗ ଦେଇଛନ୍ତି । ରାଜ୍ୟର ବିଭିନ୍ନ ଜିଲ୍ଲାରୁ ୪୮ ଜଣ ସବ୍‌ଇନ୍ସପେକ୍ଟରଙ୍କୁ ଏହି ବ୍ୟାଚରେ ଓଡିଶା ଅବକାରୀ ଆଇନ୍‌, ନିୟମ, ଏନଡିପିଏସ୍ ଆଇନ୍ ଏବଂ ଧାରା, ପ୍ରମୁଖ କାର୍ଯ୍ୟ, ବୈଷୟିକ ଅବକାରୀ ମାନୁଆଲ୍ ଏବଂ ଅନ୍ୟାନ୍ୟ ଆନୁଷଙ୍ଗିକ ବିଷୟ ଉପରେ ତାଲିମ ପ୍ରଦାନ କରାଯାଉଛି । ଏହି ତାଲିମ କାର୍ଯ୍ୟକ୍ରମ ୩୦ଦିନ ପାଇଁ ଜାରି ରହିବ । ତାଲିମ ସମୟରେ, ସେମାନଙ୍କୁ ଆଇପିସି /ସିଆରପିସି / ଏନଡିପିଏସ୍ ଆଇନ୍ ଇତ୍ୟାଦି ସହିତ ଅବକାରୀ ଆଇନ୍ / ନିୟମ / ମାନୁଆଲ ସଂକ୍ରାନ୍ତରେ ତାଲିମ ଦିଆଯିବ । ଅବକାରୀ କମିଶନର ଶ୍ରୀ ଭୋଳ ତାଙ୍କ ଉଦଘାଟନୀ ବକ୍ତବ୍ୟରେ ସମସ୍ତ ପ୍ରଶିକ୍ଷାର୍ଥୀଙ୍କୁ ଆଇନ / ନିୟମ / ପ୍ରକ୍ରିୟାର ଜଟିଳତା ବିଷୟରେ ଭଲଭାବେ ଅବଗତ ହେବାକୁ ପରାମର୍ଶ ଦେଇ କହିଛନ୍ତି ଯେ ‘ଜ୍ଞାନ ହେଉଛି ଶକ୍ତି’ । ଅଭିଜ୍ଞ ବିଶେଷଜ୍ଞମାନଙ୍କ ଦ୍ୱାରା ଉପସ୍ଥାପିତ କେସ୍‌ଷ୍ଟଡିରୁ ସେମାନଙ୍କୁ ଶିଖିବାକୁ ନିର୍ଦ୍ଦେଶ ଦିଆଯାଇଥିଲା; ବିଶେଷକରି ଅନୁସନ୍ଧାନ ସମୟରେ ନାର୍କୋଟିକ୍ସ ଆଇନ୍ ଯେପରିକି ଏନ୍‌ଡିପିଏସ୍ ଆକ୍ଟ, ପିଆଇଟି ଏନ୍ଡିପିଏସ୍ ଆକ୍ଟ ଇତ୍ୟାଦି ଅନୁସରଣ କରାଯିବାକୁ ଥିବା ପଦ୍ଧତିର ପ୍ରକ୍ରିୟାଗୁଡ଼ିକୁ ଶିଖିବାକୁ ନିର୍ଦ୍ଦେଶ ଦିଆଯାଇଥିଲା; ଯାହା ସେମାନଙ୍କର ଗୁଣାତ୍ମକ ଅନୁସନ୍ଧାନରେ ସହାୟତା କରିବା ସହିତ ଦୋଷୀକୁ ଦଣ୍ଡ ଦେବାକୁ ସହାୟକ ହେବ । ଏଠାରେ ଉଲ୍ଲେଖ କରାଯାଇ ପାରେ ଯେ ଅବକାରୀ ବିଭାଗର ଇତିହାସରେ ପ୍ରଥମ ଥର ପାଇଁ ବହୁ ସଂଖ୍ୟକ ସବ୍‌-ଇନ୍ସପେକ୍ଟରଙ୍କୁ ତାଲିମ ଦେବା ପାଇଁ ଇନ୍‌ହାଉସ୍ ତାଲିମ କାର୍ଯ୍ୟକ୍ରମ ହାତକୁ ନିଆଯାଇଛି । ଏହା ସେମାନଙ୍କର ଅନୁସନ୍ଧାନକାରୀ ଜ୍ଞାନ ଏବଂ କୌଶଳକୁ ବଢାଇବା ସହିତ ଅବକାରୀ ଆଇନ ଏବଂ ଆଇନ ଏବଂ ଆଣ୍ଟି-ନାର୍କୋଟିକ୍ସ ଆଇନର ଉତ୍ତମ କାର୍ଯ୍ୟକାରିତା ଦିଗରେ ସହାୟକ ହେବ ବୋଲି ଆଶା କରାଯାଉଛି । ଉପ କମିଶନର ରାମ ଚନ୍ଦ୍ର ମିଶ୍ର ଅଧିବେଶନଶେଷରେ ଧନ୍ୟବାଦ ଅର୍ପଣ କରିଥିଲେ ।