ପଟ୍ଟାମୁଣ୍ଡାଇ ୧୪/୧୦-ସାରା ଓଡିଶାରେ ସୁନାମ ଅର୍ଜନ କରିଥିବା ପଟ୍ଟାମୁଣ୍ଡାଇର ଶାରଦୀୟ ଦୂର୍ଗା ପୂଜା ଭସାଣି ଉତ୍ସବରେ ଆଜି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି । ଚଳିତବର୍ଷ ପୋଖରୀଆପଡା ଦୂର୍ଗା ମେଢ଼ ଭସାଣି ଉତ୍ସବରେ ସାମିଲ ହୋଇଛି ଝାଡ଼ଖଣ୍ଡ ରାଜ୍ୟର ଡିଜେ ଓ ବିଭିନ୍ନ ପ୍ରକାର ଅତ୍ୟାଧୁନିକ ବାଜା । ଯନ୍ତ୍ରାଂଶ ସମ୍ବଳିତ ବାଦ୍ୟ ଯନ୍ତ୍ର ଓ ପ୍ରାୟ ୫ଟି ଟ୍ରକରେ ଆସିଥିବା ଏହି ବାଜା ଓ ଏହାର ବିଭିନ୍ନ ଯନ୍ତ୍ରାଂଶ ସଂଗୀତ ଶୁଣିବା କେନ୍ଦ୍ରାପଡ଼ା ଜିଲ୍ଲା ଓ ଜିଲ୍ଲା ବାହାର ବିଭିନ୍ନ ଅଂଚଳରୁ ପ୍ରାୟ ଲକ୍ଷାଧିକ ଲୋକଙ୍କ ଭିଡ଼ ଦେଖିବାକୁ ମିଳିଥିଲା । ପଟ୍ଟାମୁଣ୍ଡାଇ ଏମଏନ ହାଇସ୍କୁଲ ପଡିଆରେ ଥିବା ଏହି ଝାଡ଼ଖଣ୍ଡ ସାଜନ ଡିଜେ ଓ ପଓାର ମିଉଜିକର କମ୍ପିଟେସନ ଦେଖିବାକୁ ଦିନ ୧୨ଟା ରୁ ଲୋକଙ୍କ ସୁଅ ଛୁଟିବା ସହିତ ପ୍ରାୟ ଲକ୍ଷାଧିକ ଲୋକଙ୍କ ଭିଡ଼ ଯୋଗୁଁ ପଟ୍ଟାମୁଣ୍ଡାଇ ସହର ସମେତ ସହରାଂଚଳ ଓ ଗ୍ରାମାଂଚଳର ବିଭିନ୍ନ ରାସ୍ତାଘାଟ ଯାମ ହୋଇଯାଇଥିଲା । ଅସମ୍ଭବ ଭିଡ଼ ଯୋଗୁଁ ମା ଦୂର୍ଗାଙ୍କ ଭସାଣି ଉତ୍ସବ ପ୍ରଭାବିତ ହେବା ସହିତ ଖାଲି ପାଦରେ ଚାଲିକରି ଯିବା କଷ୍ଟକର ହୋଇପଡିଥିଲା । ପୋଖରୀଆପଡା ମା ଦୂର୍ଗା ମେଢ଼ କମିଟିଙ୍କ ଅନୁରୋଧ ସତ୍ୱେ କେନ୍ଦ୍ରାପଡ଼ା ଜିଲ୍ଲା ପ୍ରଶାସନ ଏଥି ପାଇଁ ଅନୁମତି ପ୍ରଦାନ କରିନଥିଲା । ଯାହାଫଳରେ ଜିଲ୍ଲାର ବିଭିନ୍ନ ଅଂଚଳରୁ ଆସିଥିବା ଲକ୍ଷାଧିକ ଲୋକ ଝାଡ଼ଖଣ୍ଡ ଡି ଜେ ବାଜା ଦେଖି ନପାରି ଫେରି ଯାଇଥିଲେ । ପଟ୍ଟାମୁଣ୍ଡାଇ ଦୂର୍ଗା ପୂଜା ଉତ୍ସବର ୭୫ ବର୍ଷ ଇତିହାସ ଭିତରେ ଏଭଳି ଅଭାବନୀୟ ଦୃଶ୍ୟ କେବେ ଦେଖିବାକୁ ମିଳି ନଥିଲା ଓ ପଟ୍ଟାମୁଣ୍ଡାଇରେ ଲକ୍ଷାଧିକ ଲୋକଙ୍କ ଭିଡ଼ ଯୋଗୁଁ ପଟ୍ଟାମୁଣ୍ଡାଇ ଏସଡିପିଓ କ୍ଷମାସାଗର ପଣ୍ଡା ଓ ଆଇଆଇସି ସୁଶାନ୍ତ ସାହୁ ଭିଡ଼ ନିୟଂତ୍ରଣ କରିବା ପାଇଁ ନାକେଦମ ହେବାକୁ ପଡିଥିଲା ।
