ପଟ୍ଟାମୁଣ୍ଡାଇ ଗୌରବମୟ କଳା ସଂସ୍କୃତି ଓଡିଶାକୁ ବିଶ୍ୱ ବିଜୟୀ କରିଛି ବୋଲି ଆଜି ଓଡିଶା ସଂସ୍କୃତି ଓ କଳା ପରିଷଦ କେନ୍ଦ୍ରାପଡ଼ା ଜିଲ୍ଲା ସମ୍ମିଳନୀରେ ମୁଖ୍ୟଅତିଥି ଭାବେ ଯୋଗ ଦେଇ ପରିଷଦର ମୁଖ୍ୟ ଉପଦେଷ୍ଟା ତଥା କଟକ-ଚୌଦ୍ୱାର ପୂର୍ବତନ ବିଧାୟକ ଡ଼ ପ୍ରଭାତ ରଞ୍ଜନ ବିଶ୍ୱାଳ ପ୍ରକାଶ କରିଛନ୍ତି ।
ଓଡିଶା ସଂସ୍କୃତି ଓ କଳା ପରିଷଦ ରାଜ୍ୟ ସଭାପତି ଲଷ୍ମୀଧର ସାହୁଙ୍କ ପୌରହିତ୍ୟରେ ପଟ୍ଟାମୁଣ୍ଡାଇ ବ୍ଲକ ପେଣ୍ଠପାଳ ଠାରେ ଆୟୋଜିତ ବର୍ଣ୍ଣାଢ୍ୟ ଉତ୍ସବରେ ମୁଖ୍ୟଅତିଥି ଭାବେ ଯୋଗ ଦେଇ ପୂର୍ବତନ ବିଧାୟକ ଡ଼ ବିଶ୍ୱାଳ କହିଲେ ଓଡିଶାର ପ୍ରାଚୀନ କଳା ସଂସ୍କୃତି ଓ ଐତିହ୍ୟ ଆଜି ଦେଶ ବିଦେଶରେ ସୁନାମ ଅର୍ଜନ କରି ଓଡିଶାକୁ ଗୌରବାନ୍ୱିତ କରିଛି । ସଂସ୍କୃତିପ୍ରେମୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡିଶାର କଳା ସଂସ୍କୃତିକୁ ରୁଦ୍ଧିମନ୍ତ କରିବା ପାଇଁ ସଂସ୍କୃତି ବିଶ୍ୱବିଦ୍ୟାଳୟ ପ୍ରତିଷ୍ଠା ଠାରୁ ଆରମ୍ଭ କରି କଳାକାର ଭତା ପର୍ଯ୍ୟନ୍ତ ଅନେକ ପଦକ୍ଷେପ ନେଇଛନ୍ତି । ମୁଖ୍ୟମନ୍ତ୍ରୀଙ୍କ ନିର୍ଦେଶରେ ଓଡିଶାରେ ବହୁ ଜାତୀୟ ଓ ଅନ୍ତର୍ଜାତୀୟ କଳା ସଂସ୍କୃତି ପ୍ରଦର୍ଶନୀ ଓ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇ ବିଶ୍ୱ ଦରବାରରେ ଓଡିଶାର ମାନ ବୃଦ୍ଧି କରିଛି ଓ କଳା ଓ ସଂସ୍କୃତି ପାଇଁ ନିଜର ଜୀବନ ଉତ୍ସର୍ଗ କରିଥିବା ଦୁସ୍ଥ କଳାକାରଙ୍କ ପାଇଁ କଳାକାର ଭତା, ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ ଯୋଗାଇ ଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସେମାନଙ୍କ ମୁଁହରେ ହସ ଫୁଟାଇ ଥିବାରୁ କଳାକାରମାନେ ମୁଖ୍ୟମନ୍ତ୍ରୀ ନୂତନ ବିକଶିତ ସମୃଦ୍ଧ ଓ ସଶକ୍ତ ଓଡିଶା ଗଠନର ସ୍ୱପ୍ନକୁ ସାକାର କରିବାକୁ ପରାମର୍ଶ ଦେଇଥିଲେ । ଓଡିଶା ସଂଗୀତ ନାଟକ ଓ ନୃତ୍ୟ କଳାକାର ସଂଘ ରାଜ୍ୟ ସଭାପତି ଚିତ ରଞ୍ଜନ ଦାସ, ଓଡିଶା ସଂସ୍କୃତି ଓ କଳା ପରିଷଦ ଜିଲ୍ଲା ସମ୍ପାଦକ ବାବାଜୀ ଉପାଧ୍ୟାୟ, ଜିଲ୍ଲା ସଂଯୋଜକ ତୁଷାର ଘୋଷ ଓ ଜିଲ୍ଲା ଉପଦେଷ୍ଟା ସୁବ୍ରତ ରାଉତ ପ୍ରମୁଖ ସମ୍ମାନିତଅତିଥି ଭାବେ ଯୋଗ ଦେଇ ଓଡିଶାର ଗୌରବମୟ କଳା ସଂସ୍କୃତି କଳାକାରମାନଙ୍କ ବିଭିନ୍ନ ସମସ୍ୟା ଓ ରାଜ୍ୟ ସରକାରଙ୍କ କଳାକାର କଲ୍ୟାଣ ଯୋଜନା ସମ୍ପର୍କରେ ଆଲୋକପାତ କରିଥିଲେ । ଶେଷରେ ସବିତା ଦେଉରୀ ଧନ୍ୟବାଦ ଦେଇଥିଲେ । ଏହି ଜିଲ୍ଲା ସମ୍ମିଳନୀରେ କେନ୍ଦ୍ରାପଡ଼ା ଜିଲ୍ଲାର କେନ୍ଦ୍ରାପଡ଼ା, ପଟ୍ଟାମୁଣ୍ଡାଇ, ଆଳି, ରାଜନଗର, ରାଜକନିକା, ମାର୍ଶାଘାଇ, ମହାକାଳପଡ଼ା, ଗରଦପୁର ଓ ଡେରାବିଶ ଆଦି ୯ଟି ବ୍ଲକ ଓ କେନ୍ଦ୍ରାପଡ଼ା, ପଟ୍ଟାମୁଣ୍ଡାଇ ୨ଟି ମୁନିସିପାଲିଟିର ପରିଷଦ କର୍ମକର୍ତା ଓ ୩୦୦ରୁ ଅଧିକ କଳାକାର ଯୋଗ ଦେଇଥିଲେ । ଏଇ ଅବସରରେ ପରିଷଦ ପକ୍ଷରୁ ଜିଲ୍ଲାର ବିଭିନ୍ନ କଳାକାର ଓ ପରିଷଦ କର୍ମକର୍ତାଙ୍କୁ ସମ୍ବର୍ଦ୍ଧିତ କରାଯାଇଥିଲା ।
