କେନ୍ଦ୍ରାପଡା ୧୯/୭- କେନ୍ଦ୍ରାପଡା ଏକ ପୁରାତନ ସହର ହୋଇଥିବାବେଳେ ଅଣ ଓସାରିଆ ରାସ୍ତାକୁ ବ୍ୟବସାୟୀମାନେ ଜବରଦଖଲ କରି ସଙ୍କୁଚିତ କରୁଛନ୍ତି । ବିଭିନ୍ନ ଛକ ଏବଂ ଗୁରୁତ୍ୱପୂର୍ଣ୍ଣ ସ୍ଥାନରୁ ଜିଲ୍ଲା ତଥା ପୌର ପ୍ରଶାସନ ଜବରଦଖଲ ହଟାଇ ସହରକୁ ସରସ ସୁନ୍ଦର କରିବାକୁ ଉଦ୍ୟମ ଆରମ୍ଭ କରିଛି । ନୂଆ ବସ୍ଷ୍ଟାଣ୍ଡ ଉପରେ ଥିବା ଦୋକାନଘର ଗୁଡିକୁ ପୌରସଂସ୍ଥା ଏକଦିନିଆ ନୋଟିସ ଦେଇ ଜବରଦଖଲ ହଟାଇଛି । ପୁରୁଣା ମୋଟର ଷ୍ଟାଣ୍ଡର ସୌନ୍ଦର୍ଯ୍ୟକରଣ ନିମନ୍ତେ ଏଠାରେ ଥିବା କେତେକ ଦୋକାନ ଘରକୁ ହଟାଇ ଦେବା ପାଇଁ ପୌର ପ୍ରଶାସନ ଅବଗତ କରାଇଥିଲା । ନୂଆ ବସ୍ଷ୍ଟାଣ୍ଡ ଜବରଦଖଲ ହଟିଲା ପରେ ଏମାନଙ୍କ ମନରେ ଛନକା ପଶିଯାଇଛି । ଯାହାଫଳରେ ଦୋକାନୀମାନେ ସ୍ୱତଃପୂର୍ତ୍ତଭାବେ ଦୋକାନ ଖାଲି କରି ଛାତ ଉଠାଇ ନେଇଛନ୍ତି । ଏମାନଙ୍କୁ ଯଥେଷ୍ଟ ସମୟ ଦିଆଯାଇଥିବାବେଳେ ନୂଆ ବସ୍ଷ୍ଟାଣ୍ଡ ବ୍ୟବସାୟୀମାନଙ୍କୁ ଏକଦିନିଆ ନୋଟିସ କରାଯାଇଥିବାରୁ ଏମାନେ କ୍ଷୋଭ ପ୍ରକାଶ କରିଛନ୍ତି ।
Next Post
ବିରଳ ଅସ୍ତ୍ରୋପ୍ରଚାର ମହିଳାଙ୍କ ପେଟରୁ ବାହାରିଲା ୬ କିଲୋ ଟିୁ୍ୟମର
Thu Jul 20 , 2023
କେନ୍ଦ୍ରାପଡା, ୧୯ା୭: ଜଣେ ମହିଳାଙ୍କ ପେଟରୁ ପାଖାପାଖି ୬ କିଲୋ ଓଜନର ଟିୁ୍ୟମର ଅପରେସନ୍ କରାଯାଇ ବାହାର କରାଯାଇଥିବା ଘଟଣା ଦେଖିବାକୁ ମିଳିଛି । କେନ୍ଦ୍ରାପଡା ସହର ତିନିମୁହାଣିସ୍ଥିତ ଶ୍ରୀରାମ ହସ୍ପିଟାଲରେ ମହିଳାଙ୍କୁ ଚିକିତ୍ସା ନିମନ୍ତେ ଭର୍ତି କରାଯାଇଥିଲା । ମହାକାଳପଡା ବ୍ଲକ ବିଜୟନଗର ଗ୍ରାମର ଅଲେଖ ଦାସଙ୍କ ପତ୍ନୀ ମୀନତି ଦାସ (୬୫) ଦୀର୍ଘଦିନ ଧରି ପେଟଯନ୍ତ୍ରଣାରେ ଛଟପଟ ହେଉଥିଲା । ପରେ ତାଙ୍କୁ ଶ୍ରୀରାମ ହସ୍ପିଟାଲ ଭର୍ତି […]
