ରାଜ୍ୟର ୩୦ଟି ଜିଲ୍ଲାରେ ଜନସାଧାରଣଙ୍କ ନିକଟରେ ଇନଟରନେଟ୍ ସେବା ପହଁଚାଇବା ପାଇଁ ସହଜ ଓ ସରଳ ଭାବରେ ରାଜ୍ୟ ସରକାରଙ୍କ ୫ଟି ଅଧିନରେ ମୋ ସେବା କେନ୍ଦ୍ର ପ୍ରତ୍ୟେକ ପଂଚାୟତରେ ଖୋଲିବା ପ୍ରୟାସ ଏବେ କେନ୍ଦ୍ରାପଡା ଜିଲ୍ଲାରେ ସଫଳ ହୋଇ ପାରିଛି । ସହଜ ସଂସ୍ଥା ଓ ରାଜ୍ୟ ସରକାରଙ୍କ ମିଳିତ ସହଯୋଗରେ ଜିଲ୍ଲାର ୯ଟି ବ୍ଲକରେ ଥିବା ୨୪୯ ପଂଚାୟତ, କେନ୍ଦ୍ରାପଡା ମୁନିସିପାଲିଟିର ୨୧ଟି ଓ୍ୟାର୍ଡ ଓ ପଟ୍ଟାମୁଣ୍ଡାଇ ମୁନିସିପାଲିଟିର ୨୦ଟି ଓ୍ୟାର୍ଡରେ ମୋଟ୍ ୨୮୧ଟି ମୋ ସେବା କେନ୍ଦ୍ର ସ୍ଥାପିତ ହୋଇ ସଫଳତାର ସହ କାର୍ଯ୍ୟ କରୁଅଛି । ଇତି ମଧ୍ୟରେ ମୋ ସେବା କେନ୍ଦ୍ରର ଭିଏଲଇମାନେ ଗଗୁଆର ଏକ ମଣ୍ଡପରେ ଏକତ୍ରିତ ହୋଇ କେନ୍ଦ୍ରାପଡା ଜିଲ୍ଲାପାଳଙ୍କ କାର୍ଯ୍ୟାଳୟର ଆଇଟି ବିଭାଗ ଡିଜିଏମ୍ ଜ୍ଞାନ ରଂଜନ ସେଠୀ ଓ ସହଜ ପକ୍ଷରୁ ଦାୟୀତ୍ୱରେ ଥିବା ଡିଏମ୍ ହମଦ କୁମାର ପାତ୍ରଙ୍କୁ ଅତିଥି ଭାବରେ ଆମନ୍ତ୍ରୀତ କରି ଭିଭିନ୍ନ ସମସ୍ୟା ଉପରେ ଆଲୋକପାତ୍ କରିଥିଲେ ।
