ପଟ୍ଟାମୁଣ୍ଡାଇରେ ତାଲୁକ ଆଇନ ସହାୟତା କମିଟି ପକ୍ଷରୁ ବିଶ୍ୱମାନବାଧିକାର ଦିବସ ପାଳିତ

ମାନବ ଅଧିକାରର ସୁରକ୍ଷା ନିମନ୍ତେ ୧୯୪୮ ମସିହା ଡିସେମ୍ବର ୧୦ ତାରିଖରେ ମିଳିତ ଜାତିସଂଘରେ ମାନବାଧିକାର ଘୋଷଣାନାମା ସ୍ୱୀକୃତି ପାଇଥିଲା । ବିଶ୍ୱର ବହୁଦେଶ ଏହି ଐତିହାସିକ ଦିବସଟିକୁ ବିଶ୍ୱ ମାନବାଧିକାର ଦିବସ ରୂପେ ପାଳନ କରି ଆସୁଛନ୍ତି । ଆଜି ପଟ୍ଟାମୁଣ୍ଡାଇ ତାଲୁକ ଆଇନ ସହାୟତା କମିଟି ପକ୍ଷରୁ କୋଟ୍ କକ୍ଷରେ ୭୬ ତମ ମାନବାଧିକାର ଦିବସ ଆନୁକୁଲ୍ୟରେ ଏକ ଆଲୋଚନା ଚକ୍ର ଓ କର୍ମଶାଳା ଅନୁଷ୍ଟିତ ହୋଇଯାଇଛି । ପଟ୍ଟାମୁଣ୍ଡାଇ ପ୍ରଥମଶ୍ରେଣୀ ବିଚାର ବିଭାଗୀୟ ମ୍ୟାଜିଷ୍ଟ୍ରେଟ ମୋନାଲିଶା ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଚେତନତା ଶିବିରରେ ମାନବୀୟ ମୂଲ୍‌୍ୟବୋଧ ଓ ବିଭିନ୍ନ ଦିଗ ଓ ମାର୍ଗଦର୍ଶନ ସମ୍ପର୍କରେ ଆଲୋଚନା କରାଯାଇଥିଲା । ପୃଥିବୀରେ ବାସ କରୁଥିବା ପ୍ରତ୍ୟେକ ବ୍ୟକ୍ତିଙ୍କର ଏକ ମୌଳିକ ଅଧିକାର ଅଛି । ଏହି କର୍ମଶାଳାରେ ବାର ଆସୋସିଏସନ ସଭାପତି ତପନ ମିଶ୍ର, ବରିଷ୍ଠ ଆଇନଜୀବୀ ଭିମସେନ ପ୍ରଧାନ, ଆଇନଜିବୀ ଭବାନୀ ଶଙ୍କର ପଣ୍ଡା, ବିଦ୍ୟାଧର ଦାଶ,ବିଜ୍ଞାନ ଜେନା, ପିଏଲଭି ପ୍ରଫୁଲ୍ଲ ଦାଶ, ଧବଳେଶ୍ୱର ଖଣ୍ଡାଇ ପ୍ରମୁଖ ଯୋଗ ଦେଇ ମାନବାଧିକାର ଓ ତାର ଉପଯୋଗିତା ସଂପର୍କରେ ଆଲୋଚନା କରିଥିଲେ । ଶେଷରେ ଆଇନସହାୟତା ରିଟେନର ଜିତେନ୍ଦ୍ର ନନ୍ଦି ଧନ୍ୟବାଦ ଦେଇଥିଲେ ।