ବିଦ୍ୟାଳୟ ଭିତ୍ତିକ ମାନନିର୍ଦ୍ଧାରଣ ତାଲିମ ଉଦଯାପିତ

କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ଅନ୍ତର୍ଗତ ଧବଳେଶ୍ଵର ନୋଡାଲ ଉପ୍ରା ବିଦ୍ୟାଳୟରେ ତିନିଦିନ ଧରି ବିଦ୍ୟାଳୟ ଭିତ୍ତିକ ମାନନିର୍ଦ୍ଧାରଣ ତାଲିମ ଅନୁଷ୍ଠିତ ହୋଇଯାଇଛି । ପଟ୍ଟାମୁଣ୍ଡାଇ ବ୍ଲକ ଶିକ୍ଷାଧିକାରୀ ହରିହର ଦଳାଇ, ପଟ୍ଟାମୁଣ୍ଡାଇ ବି. ଆର ସିସି ଚନ୍ଦ୍ରଶେଖର ତ୍ରିପାଠୀଙ୍କ ତତ୍ଵବଧାନରେ ଅନୁଷ୍ଠିତ ତାଲିମରେ ରାଷ୍ଟ୍ରପତି ପୁରସ୍କାରପ୍ରାପ୍ତ ପ୍ରଧାନ ଶିକ୍ଷକ ଶୁଭ୍ରାଂଶୁ କୁମାର ଦାସ ,ମନୋଜ କୁମାର ମୁଦୁଲି ଓ ଶୁଭଶ୍ରୀ ପ୍ରିୟଦର୍ଶିନୀ ସାହୁ ଆର ପି ଭାବରେ ଯୋଗ ଦେଇ ବିଦ୍ୟାଳୟରେ ମାନନିର୍ଦ୍ଧାରଣ ନିରନ୍ତର ଓ ସାମଗ୍ରିକ ଭାବରେ କରି ଗୁଣାତ୍ମକ ଶିକ୍ଷା ପ୍ରଦାନ କରିବା ସଙ୍ଗେ ସଙ୍ଗେ ବ୍ଲକକୁ ଏକ ନମ୍ବର ରେ ପରିଣତ କରିବାକୁ କୌଶଳ ଓ ସାଧନ ସମ୍ପର୍କରେ ତାଲିମ ପ୍ରଦାନ କରିଥିଲେ । ଏଥିରେ ଧବଳେଶ୍ଵର ସ୍କୁଲର ପ୍ରଧାନ ଶିକ୍ଷକ ପ୍ରଭାକର ପରିଡା ,କମଳାକାନ୍ତ ଦାସ ,ରଜନୀକାନ୍ତ ଦାସ ,ବୀରବର ସାହୁ,ବାସନ୍ତୀ ମହାପାତ୍ର ପ୍ରମୁଖ ଭାଷଣ ଦେଇଥିଲେ।  ଏଥିରେ ପଟ୍ଟାମୁଣ୍ଡାଇ ବ୍ଲକର ବିଭିନ୍ନ ସ୍କୁଲ ର ୫୦ଜଣ ଶିକ୍ଷକ ଶିକ୍ଷୟତ୍ରୀ ଯୋଗ ଦେଇ ତାଲିମ ଗ୍ରହଣ କରିଥିଲେ ।  ଏହି କାର୍ଯ୍ୟକ୍ରମକୁ ଗୀତାଞ୍ଜଳି ବେହେରା ଓ ପ୍ରଭାତୀ ସ୍ଵାଇଁ ପରିଚାଳନା କରିଥିଲେ ।