କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ଗ୍ରାମାଂଚଳ ଥାନା ହାଜତରୁ ଜଣେ ଅଭିଯୁକ୍ତ ପରିସ୍ରା ଯିବା ବାହାନାରେ ରାବିବାର ରାତି ସାଢେ ୭ ରେ ଫେରାର ହୋଇଯାଇଛନ୍ତି। ଅଭିଯୁକ୍ତ ଜଣକ ହେଲେ ତେରୋହି ଗାଁର ଳୀଳାଇ ସ୍ୱାଇଁ ବୋଲି ଜଣାପଡିଛି। ଦୁଇ ଜଣ ସାଙ୍ଗକୁ ମଡମାରି ଏକ ମଟର ସାଇକେଲ ପୋଡି ଘଟଣାରେ ଳିଳାଇଙ୍କୁ ଶନିବାର ରାତିରେ ପଟ୍ଟାମୁଣ୍ଡାଇ ଗ୍ରାମାଂଚଳ ପୋଲିସ ଗିରଫ କରିଥିବା ବେଳେ ସେ ରାବିବାର ବାହାରକୁ ଆସି ଫେରାର ହୋଇଯାଇଥିଲେ । ଳିଳାଇଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ପୋଲିସ ଚଢାଉ ଜାରି ରଖିଥିବା ଜଣାପଡିଥିବା ବେଳେ ଥାନାରୁ କୌଣସି ପ୍ରତିକ୍ରିୟା ମିଳିପାରିନାହିଁା
ସୁଚନାଅନୁଯାଇ ପଟ୍ଟାମୁଣ୍ଡାଇ ଗ୍ରାମାଂଚଳ ଥାନା ଅଧିନ ବିଲିକଣା ପଂଚାୟତ ବହ୍ମପୁର ଗ୍ରାମର ଦେବାଶିଷ ସାହୁ ସାଙ୍ଗ କୃଷ୍ଣଚନ୍ଦ୍ର ସାମଲଙ୍କ ସହିତ ମାମୁଁ ଘର ବଢେଇପଡା ଯାଇଥିଲେ । ଶନିବାର ରାତି ପ୍ରାୟ ୯ଟାରେ ମାମୁଁ ଘରୁ ଫେରୁଥିବା ବେଳେ ତେରୋହି ଗ୍ରାମର ଳିଳାଇ ଏକ ଦୋକାନ ନିକଟରେ ତାଙ୍କୁ ଅଟକାଇ ଦାଦାବଟି ମାଗିଥିଲେ । ସେମାନେ ଦାଦାବଟି ନ ଦେବାରୁ ସେମାନଙ୍କୁ ଗାଳିଗୁଲଜ କରିବା ସହିତ ମଡମାରି ଥିଲେ । ସେମାନେ ପ୍ରାଣବିକଳରେ ଜଣଙ୍କ ଘରେ ଆସ୍ରୟ ନେବା ପରେ ଳିଳାଇ ଗାଡିକୁ ନିଆଁ ଲଗାଇ ପୋଡିଦେଇଥିଲା । ଖବରପାଇ ଦେବାଶିଷଙ୍କ ବାପା ପ୍ରଶାନ୍ତ ଗ୍ରାମର କେତେଜଣ ଲୋକଙ୍କୁ ସାଙ୍ଗରେ ନେଇ ଘଟନାସ୍ଥଳରେ ପହଁଚି ପୋଲିସ କଟ୍ରୋଲ ରୁମ ୧୧୨ କୁ ଫୋନକରିଥିଲେ । ଘଟଣା ସ୍ଥଳରେ ପୋଲିସ ପହଁଚି ଶନିବାର ଳିଳାଇଙ୍କୁ ଗିରଫ କରି ଥାନାକୁ ଆଣିଥିଲା ।
