ପଟ୍ଟାମୁଣ୍ଡାଇ ପ୍ରାଥମିକଶିକ୍ଷକ ସଂଘ ବାର୍ଷିକ ଉତ୍ସବ

ପଟ୍ଟାମୁଣ୍ଡାଇ ତା ୧୪/୧୧-ଶିଶୁ ଦିବସ ଅବସରରେ ପଟ୍ଟାମୁଣ୍ଡାଇ ବ୍ଲକ ପ୍ରାଥମିକ ଶିକ୍ଷକ ସଂଘର ୪୨ତମ ବାର୍ଷିକ ଉତ୍ସବ ସ୍ଥାନୀୟ ଶିକ୍ଷକ ଭବନ ଠାରେ ନିରାଡ଼ମ୍ବର ଭାବେ ପାଳନ କରାଯାଇଛି ।  ପ୍ରାଥମିକ ଶିକ୍ଷକ ସଂଘ ସଭାପତି ଅରକ୍ଷିତ ସାହୁଙ୍କ ପୌରହିତ୍ୟରେ ଆୟୋଜିତ ସଭାରେ ପ୍ରାକ୍ତନ ସଭାପତି ବିଜୟ କୁମାର ସାହୁ ମୁଖ୍ୟଅତିଥି, ଶିକ୍ଷକ ନେତା ପ୍ରମୋଦ ନାୟକ ମୁଖ୍ୟବକ୍ତା ଓ ରାଜେନ୍ଦ୍ର ପ୍ରସାଦ ସିଂହ, ରତ୍ନାକର ସ୍ୱାଇଁ, ନିରୋଗ ଦାସ,ଅଶୋକ ରାଉତ ଗୌତମ ମାହାଳି, ସୁଧାଂଶୁବାଳା ମହାପାତ୍ର, ନନ୍ଦ କିଶୋର ମହାରଣା ପ୍ରମୁଖ ସମ୍ମାନିତଅତିଥି ଭାବେ ଯୋଗ ଦେଇ ଶିଶୁ ଦିବସର ମହତ୍ୱ ଓ ଶିକ୍ଷକମାନଙ୍କ ବିଭିନ୍ନ ସମସ୍ୟା ସମ୍ପର୍କରେ ଆଲୋକପାତ କରିଥିଲେ ।  ସଂଘ ସମ୍ପାଦକ ବଳଭଦ୍ର ପ୍ରସାଦ ରାଉତ ବାର୍ଷିକ ବିବରଣୀ ପାଠ କରିଥିଲେ।  ଏଇ ଅବସରରେ ଅବସରପ୍ରାପ୍ତ ଶିକ୍ଷକ ଅଭିରାମ ସାହୁ ପ୍ରମିଳା ପଣ୍ଡା, ସୁରତି ଜେନା ନୟନା ବେହେରା, ନେତ୍ରମଣି ଖଟୁଆ, ବିଦୁ ଲତା ବେହେରାଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା । ଶେଷରେ ଚନ୍ଦନ ମହାନ୍ତି ଧନ୍ୟବାଦ ଦେଇଥିଲେ ।  ଏହି କାର୍ଯ୍ୟକ୍ରମକୁ ଆରତ ନାୟକ, ପ୍ରଫୁଲ୍ଲ ଶତପଥୀ ଜୟଦେବ ଜେନା ଶ୍ରୀନିବାସ ସାହୁ ସଞ୍ଜୟ ଜେନା ଓ ଅଶୋକ ରାଉତ ପ୍ରମୁଖ ପରିଚାଳନା କରିଥିଲେ । ସଭା ଆରମ୍ଭରେ ସଂଘ ପତାକା ଉତ୍ତୋଳନ କରାଯିବା ସହିତ ପୂର୍ବତନ ପ୍ରଧାନମନ୍ତୀ ଜବାହରଲାଲ ନେହେରୁଙ୍କ ଫଟୋ ଚିତ୍ରରେ ମାଲ୍ୟାର୍ପଣ କରାଯାଇଥିଲା।