କେନ୍ଦ୍ରାପଡ଼ା ୭/୧: କେନ୍ଦ୍ରାପଡା ଇଭେଣ୍ଟ ମ୍ୟାନେଜର୍ସ (କେମ) ଦ୍ୱାରା ଆୟୋଜିତ ମହିପାଳ ସ୍ଥିତ ଟେଲିକମ ପଡିଆରେ ଦ୍ୱାବିଂଶତମ ରାଜ୍ୟସ୍ତରୀୟ ପୁସ୍ତକମେଳାର ଦ୍ୱିତୀୟ ସଂନ୍ଧ୍ୟାରେ ଭାବଗ୍ରାହୀ କଳାନିକେତନ ଓ କଟକର ଅକ୍ଷୟ ମହାନ୍ତି ଟ୍ରଷ୍ଟ ଦ୍ୱାରା ଅକ୍ଷୟମହାନ୍ତି ସ୍ମୃତି ସଂନ୍ଧ୍ୟା ଆୟୋଜିତ କରାଯାଇଥିଲା । ଏହି କାର୍ଯ୍ୟକ୍ରମକୁ ଶିକ୍ଷାବିତ୍ ଅଜୟ ରାଉତ ଉଦ୍ଘାଟନ କରିଥିବା ବେଳେ ସଭାପତି ଅକ୍ଷୟ ପାଣି, ସମ୍ପାଦକ ଏମଡି ଜାହିଦ୍ ଖାଁ, ଅଧ୍ୟାପକ ମୋହନ ଜେନା ପ୍ରମୁଖ ଉପସ୍ଥିତଥିଲେ । ଅକ୍ଷୟଙ୍କ ଶିଷ୍ୟ ବିମଳ ପ୍ରସାଦ ପରିଡାଙ୍କ ସଂଯୋଜନାରେ କଣ୍ଠଶିଳ୍ପୀ ଉପେନ୍ଦ୍ର ପାଢି, ନିରୁପମା ଜେନା, ରଞ୍ଜନ ବରାଳ, ବଳରାମ ମଲ୍ଲିକ, କୈଳାସ ପରିଡା, ଅଜୟ ଜେନାଙ୍କ କଣ୍ଠରେ ବେତାଜ ବାଦସାହା ଚିର ସବୁଜ ଅକ୍ଷୟ ମହାନ୍ତିଙ୍କ ସଙ୍ଗିତରେ ଦର୍ଶକ ବିଭୋର ହେଇଥିଲେ । ଏହାପରେ ‘ନାଚେ ବଂଶି ନାଚେ ଘୁଙ୍ଗୁର’ ଏବଂ ‘ଯାରେ ଭାସି ଯା’ ସଙ୍ଗିତରେ ରୁପାଲି ସୁତାର, ସ୍ମୃତି ରେଖା ବିଶ୍ୱାଳ, ପ୍ରତିକ୍ଷା ନାୟକ, ନିବେଦିତା ନାୟକ, ରାଜଲକ୍ଷ୍ମୀ ପ୍ରଧାନ, କୁସୁମ ପଣ୍ଡା ଚିତାକର୍ଷକ ନୃତ୍ୟ ପରବେଷଣ କରିଥିଲେ । ସେହିପରି ବିମଳ ପରିଡାଙ୍କ କଣ୍ଠରେ କେତେ ଘେନି ଯାଉଛ, ନଦୀ ତୋର ଦେଇଥିଲି ନାଁ, ଏହି ଯେ ବନଲତା ପାହାଡ ପ୍ରମୁଖ ଅକ୍ଷୟ ସଙ୍ଗିତରେ ସମବେତ ଶ୍ରୋତାମାନଙ୍କ ଦ୍ୱାରା ବିଶେଷ ଭାବରେ ଆଦୃତ ହୋଇଥିଲା । ଗତକାଲି ଉଦ୍ଘାଟନ ଉତ୍ସବରେ ଭାବଗ୍ରାହୀ କଳାନିକେତନ ପକ୍ଷରୁ ଉଦ୍ ଅପରାହ୍ନରେ କେମ ପକ୍ଷରୁ ତର୍କ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି ପ୍ରତିଯୋଗିତାକୁ କେମର ସଦସ୍ୟ ପ୍ରଶାନ୍ତ ଆଚାର୍ଯ୍ୟ, ସଂଦିପ କୁମାର ସାହୁ, ରାଜେନ୍ଦ୍ର ମହାପାତ୍ର ପରିଚାଳନା କରିଥିଲେ । ଏହାପରେ କେନ୍ଦ୍ରାପଡାର ଶ୍ରୀ ବଳଦେବଜୀଉ କଳା ଓ ସଂସ୍କୃତି ପ୍ରତିଷ୍ଠାନ ଦ୍ୱାରା ସାଂସ୍କୃତିକ ବିଚିତ୍ରା କାର୍ଯ୍ୟକ୍ରମ ହୋଇଥିଲା । ସେହିପରି ଡଃ ଗିରିଜାକାନ୍ତ ସାଦଙ୍କ ନିର୍ଦ୍ଦେଶନାରେ କେନ୍ଦ୍ରାପଡା ସାନ୍ଧ୍ୟ ମହାବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ନାଟକ “ପେଟେଣ୍ଟ ମେଡିସିନ” ପରିବେଷଣ କରାଯାଇଥିଲା । ତାପରେ କେନ୍ଦ୍ରାପଡାର ବଳଦେବଜୀୟୁ କଳା ଓ ସଂସ୍କୃତି ପ୍ରତିଷ୍ଠାନ ପକ୍ଷରୁ ନୃତ୍ୟ ଗୁରୁ ଦିପକ ସାହୁଙ୍କ ସଂଯୋଜନାରେ ନୃତ୍ୟ ପରବେଷଣ କରାଯାଇଥିଲା । ଆଜିର ଏହି କାର୍ଯ୍ୟକ୍ରମକୁ ପ୍ରତାପ ସ୍ୱାଇଁ, ମଞ୍ଜୁଶ୍ରୀ ଦାସ, ଅମ୍ରିନ ସାହାଦତ, ନିଶିକାନ୍ତ ସେଠୀ, ବଂଶିଧର ମହାନ୍ତି, ସରୋଜ ସାହୁ, ଶାନ୍ତନୁ ମଲ୍ଲିକ,ତାରିଣି ପାଟ୍ଟେଯାଶୀଶିବ ଚରଣ ସାମଲ ପ୍ରମୁଖ ସହଯୋଗ କରିଥିଲେ ।
