କେନ୍ଦ୍ରାପଡ଼ା ୨୩/୯ : କେନ୍ଦ୍ରାପଡ଼ା ଜିଲ୍ଲା ହିନ୍ଦୀ ଶିକ୍ଷକ ସଂଘ ପକ୍ଷରୁ ଜିଲ୍ଲା ସଂସ୍କୃତି ଭବନ ପରିସରରେ ଜିଲ୍ଲା ସ୍ତରୀୟ ହିନ୍ଦୀ ଦିବସ ସମାରୋହ ଏବଂ ସମ୍ବର୍ଦ୍ଧନା ପର୍ବ ଆଡ଼ମ୍ବର ପୂର୍ଣ୍ଣ ଭାବେ ପାଳିତ ହୋଇଯାଇଛି। ଜିଲ୍ଲା ସଂଘ ସଭାପତି ଅକ୍ଷୟ କୁମାର ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉତ୍ସବରେ ଜିଲ୍ଲାପାଳ ରଘୁରାମ ଆର୍ ଆୟାର ମୁଖ୍ୟ ଅତିଥି ଭାବେ ଯୋଗ ଦେଇ ଶ୍ରୀବିଗ୍ରହ ସମ୍ମୁଖରେ ପ୍ରଦୀପ ପ୍ରଜ୍ୱଳନ କରି ଆନୁଷ୍ଠାନିକ ଭାବେ ଉତ୍ସବ ଉଦଘାଟନ କରିଥିଲେ। ପ୍ରତି ପରିବାର ଓ ବିଦ୍ୟାଳୟରେ ପିଲା ମାନଙ୍କୁ ବ୍ୟବହାରିକ ଜ୍ଞାନ ସହିତ ଉପାର୍ଜନ କ୍ଷମ ହେବାକୁ ପାଇଁ ଆହ୍ୱାନ ଦେଇଥିଲେ। ଜିଲ୍ଲା ଶିକ୍ଷାଧିକାରୀ ପବିତ୍ର ମୋହନ ବାରିକ ମୁଖ୍ୟ ଅତିଥି ଭାବେ ଯୋଗ ଦେଇ ହିନ୍ଦୀ ଶିକ୍ଷକ ମାନଙ୍କର ଏତାଦୃଶ କାର୍ଯ୍ୟକ୍ରମର ଭୂୟସୀ ପ୍ରଶଂସା କରିଥିଲେ। ଅନ୍ୟ ମାନଙ୍କ ମଧ୍ୟରେ ବିଶିଷ୍ଟ ହିନ୍ଦୀ ସାହିତ୍ୟିକ ପ୍ରଫେସର ଡ଼ଃ.ଅବଦୁଲ ଉସମାନ ଖାଁ ମୁଖ୍ୟ ବକ୍ତା ଏବଂ ସମ୍ମାନିତ ଅତିଥି ଭାବେ କିସ୍ ସ୍ୱୟଂ ଶାସିତ ମହାବିଦ୍ୟାଳୟର ହିନ୍ଦୀ ବିଭାଗ ପ୍ରାଧ୍ୟାପିକା ସୁଧାଂଶୁ ବାଳା ସାହୁ , ରାଜଶ୍ରୀ ଅନୁଷ୍ଠାନର ପ୍ରତିଷ୍ଠାତା ତଥା ପୂର୍ବ ଜିଲ୍ଲା ସଂଘ ସଭାପତି ଆଶୁ କବି ହେମନ୍ତ ଜେନା, ରାଜ୍ୟ ସଂଘ କାର୍ଯ୍ୟକାରୀ ସଭାପତି ମହେନ୍ଦ୍ର କୁମାର ମଲ୍ଲିକ , ବରିଷ୍ଠ ଶିକ୍ଷାବିତ୍ ତଥା ରାଜ୍ୟପାଳ ପୁରସ୍କାର ପ୍ରାପ୍ତ ପରିବେଶବିତ୍ କାଶୀନାଥ ରାଉତରାୟ, ବିଶିଷ୍ଟ କଥାକାର ପ୍ରଦୀପ କୁମାର ନାୟକ, ପୂର୍ବ ସମ୍ପାଦକ ଅଶୋକ କୁମାର ଦାଶ ପ୍ରମୂଖ ଉତ୍ସବରେ ଯୋଗ ଦେଇ ରାଷ୍ଟ୍ରଭାଷାର ଉପାଦେୟତା ଏବଂ ହିନ୍ଦୀ ଦିବସର ତାତ୍ପର୍ଯ୍ୟ ଉପରେ ଆଲୋକପାତ କରିଥିଲେ। ଉକ୍ତ ସମାରୋହରେ କବି ଈଶ୍ୱର ଚନ୍ଦ୍ର ପୃଷ୍ଟି ଏବଂ ସଂଗୀତ ନିର୍ଦ୍ଦେଶକ କୈଳାସ ଚନ୍ଦ୍ର ବେହେରା ବେଦ ପାଠ, ଅତସୀ ମଲ୍ଲିକ ସ୍ୱାଗତ ସଂଗୀତ, ରୀତାଞ୍ଜଳି ପଣ୍ଡା ଅତିଥି ପରିଚୟ ଏବଂ ଅକ୍ଷୟ କୁମାର ନାୟକ ସ୍ୱାଗତ ଭାଷଣ ଦେଇଥିବା ବେଳେ ସମ୍ପାଦକ ମହେଶ୍ୱର ସାହୁ ସମ୍ପାଦକୀୟ ପାଠ କରିଥିଲେ। ଇତ୍ୟବସରରେ ଅନୁଷ୍ଠାନ ତରଫରୁ ଅତିଥି ଏବଂ ସେବା ନିବୃତ୍ତ ହିନ୍ଦୀ ଶିକ୍ଷକ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା ଏବଂ ହିନ୍ଦୀ ବିଷୟରେ ଶତ ପ୍ରତିଶତ ନମ୍ବର ରଖି ଉତ୍ତୀର୍ଣ୍ଣ ହୋଇଥିବା ଛାତ୍ର ଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା। ଶିକ୍ଷୟିତ୍ରୀ ଅନ୍ନପୂର୍ଣ୍ଣା ଚୁଳି ଏବଂ ନିର୍ଝରିଣୀ ପଣ୍ଡାଙ୍କ ଆକର୍ଷଣୀୟ ସଂଯୋଜନାରେ ଅନୁଷ୍ଠିତ ଉତ୍ସବରେ ଲାଲ୍ ବାବୁ ଖାନ୍, ନିର୍ମଳ କୁମାର ସ୍ୱାଇଁ, ଗଜେନ୍ଦ୍ର କୁମାର ସେଠୀ, ଆଶୁତୋଷ ମହାନ୍ତି, ସବନମ ଆରା, ସେକ ମନସୁର ଅଲ୍ଲୀ, ଦୀପକ କୁମାର ରାଉତ, ଧିରେନ୍ଦ୍ର କୁମାର ରାଉଳ, ପବିତ୍ର କୁମାର ମାହୁନ୍ତ, ସିଦ୍ଧାର୍ଥ ଶଙ୍କର ଜେନା, ମଧୁସ୍ମିତା ରାଉତ ଆଦି ସହଯୋଗ କରିଥିଲେ ଏବଂ ପରିଶେଷରେ ମାଧୁରୀ ଭଦ୍ର ଧନ୍ୟବାଦ ଅର୍ପଣ କରିଥିଲେ।
Leave a Reply