ଫାଇନାନ୍ସ ସଂସ୍ଥାର କର୍ମଚାରୀଙ୍କୁ ଅପହରଣ ଅଭିଯୋଗ

କେନ୍ଦ୍ରାପଡ଼ା ଜିଲ୍ଲା ମହାକାଳପଡା ଅନ୍ତର୍ଗତ ବାବର-ବଅଢିଅ ନିକଟରେ ଏକ ଘରୋଇ ଫାଇନାନ୍ସ ସଂସ୍ଥାର କର୍ମଚାରୀଙ୍କୁ ଅପହରଣ କରାଯାଇଥିବା ନେଇ ତନ୍ତିଆ ପାଳ ସାମୁଦ୍ରିକ ଥାନାରେ ଅଭିଯୋଗ ହୋଇଛି । ନିଖୋଜ ଥିବା କର୍ମଚାରୀ ଜଣଙ୍କ ହେଲେ ମହାକାଳପଡା ଥାନା ରାଜଗଡ଼ ଗ୍ରାମର ସ୍ୱାଗତ ସାମଲ ।

ସ୍ୱାଗତ ଗତ ୨ ବର୍ଷ ହେବ ରାଜନଗର ବ୍ଲକ ଭାରତ ଫାଇନାସ୍ କମ୍ପାନିରେ କ୍ୟାସ କଲେସନ କର୍ମଚରି ଭାବେ କାମ କରିଆସୁଛନ୍ତି । ଗତକାଲି ସ୍ୱାଗତ ତନ୍ତିଆପାଳ ଥାନା ବାବର ଅଂଚଳକୁ କିସ୍ତି ପଇସା ଆଦାୟ କରିବାକୁ ଆସିଥିଲେ । ସନ୍ଧ୍ୟାବେଳେ ବେଳେ ବାବର ଆଇବି ଛକ ପାଖରେ ସ୍ୱାଗତଙ୍କ ମୋଟର ସାଇକଲ ଥୁଆ ହୋଇଥିଲା । ବାଇକ୍ ପଡ଼ିଥିବା କିଛି ଦୂରରେ ତାଙ୍କ ଚପଲ ଏପଟ ସେପଟ ହୋଇ ପଡ଼ିଥିଲା । ସ୍ଥାନୀୟ ଲୋକେ ଏହି ବାଇକ୍‌ଟି ସ୍ୱାଗତଙ୍କର ଚିହ୍ନି ପରିବାର ଲୋକଙ୍କୁ ଖବର ଦେଇଥିଲେ । ପରିବାର ଲୋକ ସ୍ୱାଗତଙ୍କୁ ଫୋନ୍ କରିଥିଲେ ମଧ୍ୟ ତାଙ୍କ ଫୋନ୍ ସୁଇଚଅଫ୍ ଆସିଥିଲା । ପରିବାର ଲୋକେ ସ୍ୱାଗତଙ୍କୁ ବହୁତ ଖୋଜାଖୋଜି କରିଥିଲେ ମଧ୍ୟ ପାଇ ନଥିଲେ । ପରେ ପରିବାର ପକ୍ଷରୁ ସ୍ୱାଗତଙ୍କ ବଡ଼ ଭାଇ ତନ୍ତିଆପାଳ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପାଇ ପୋଲିସ ସ୍ୱାଗତଙ୍କୁ ଖୋଜାଖୋଜି କରିବା ସହ ଘଟଣାର ତଦନ୍ତ କରୁଛିା ଏହା ଭିତରେ ୨୪ ଘଂଟାରୁ ଉର୍ଦ୍ଧ ସମୟ ବିତିଯାଇଥିଲେ ମଧ୍ୟ ସ୍ୱାଗତଙ୍କ କିଛି ସନ୍ଧାନ ମିଳି ପାରିନାହିଁ ।