କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ଥାନା ଅନ୍ତର୍ଗତ ଚଉଦକୁଲାଟ ଫାଣ୍ଡି ଅଧିନ ଚଉଦକୁଲାଟ ଛୋଟ ପୋଲ ପାଖରେ ବୁଧବାର ସଂନ୍ଧ୍ୟାରେ ଜଣେ ଯୁବତୀକୁ କିଛି ଯୁବକ ମରଣାସ୍ତ୍ରରେ ଆକ୍ରମଣ କରିଥିବା ଜଣାପଡିଛି । ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ ପଟ୍ଟାମୁଣ୍ଡାଇ ଉପଖଣ୍ଡସ୍ତରୀୟ ଚିକିତ୍ସାରେ ଭର୍ତି କରାଯାଉଛି । ତାଙ୍କ ଡାହାଣ ହାତ ସହ ଦେହର ବିଭିନ୍ନ ସ୍ଥାନରେ କ୍ଷତହୋଇ ରକ୍ତଶ୍ରାବ ହେଉଛିି । ଯୁବତୀ ଜଣଙ୍କ ହେଲେ ସୋନୀ ରାଉତ ଦାଣ୍ଡିସାହି ଗ୍ରାମର ବୋଲି ଜଣାପଡିଛି । ଭାଇକୁ ହତ୍ୟା କରାଯାଇଥିବା ନେଇ ପୋଲିସ ଆଗରେ ବୟାନ ଦେବାରୁ ସେମାନେ ମରଣାନ୍ତଙ୍କ ଆକ୍ରମଣ କରିଛନ୍ତି ବୋଲି ସେ କହିଛନ୍ତି ।
https://youtu.be/eRKVp8mG_Pk
ଚଉଦକୁଲାଟ ଫାଣ୍ଡି ଅଧିନ ଦାଣ୍ଡିସାହି ଗ୍ରାମର ଦୋଳଗୋବିନ୍ଦ ରାଉତଙ୍କ ପୁଅ ବିକାଶ ରାଉତ ଗତ ୫ ମାସ ତଳେ ସାଙ୍ଗ ମାନଙ୍କ ସହ ଭୋଜି କରିବାକୁ କହି ଘରୁ ଯାଇଥିଲେ । ମାତ୍ର ଦୀର୍ଘ ସମୟ ପରେ ସେ ଘରକୁ ନ ଫେରିବାରୁ ପରିବାର ଲୋକେ ଏଣେତେଣେ ଖୋଜା ଖୋଜି କରିଥିଲେ । ପରେ ଘର ପାଖର କିଛି ଦୂରରେ ଏକ ଛାଖୁଣ୍ଡା ଗଛରେ ଝୁଲନ୍ତା ଅବସ୍ଥାରେ ବିକାଶର ମୃତ ଦେହ ମିଳିଥିଲା । ବ୍ୟବଚ୍ଛେଦ ପରେ ଶବ ସତ୍କାର କରାଯାଇଥିଲା । ବିକାଶର ବାପା ବାହାର ରାଜ୍ୟରୁ ଫେରି ପୁଅକୁ ଯୋଜନା ବଦ୍ଧ ଭାବେ ମାରି ଗଛରେ ଝୁଲାଇ ଆତ୍ମହତ୍ୟା ରଙ୍ଗ ଦିଆ ଯାଇଛି ବୋଲି ଏକ ମାସ ତଳେ ଚଉଦକୁଲାଟ ଫାଣ୍ଡିରେ ଅଭିଯୋଗ କରିଥିଲେ । ମାତ୍ର ଫାଣ୍ଡି ଅଧିକାରୀ ମାମଲାର ତଦନ୍ତ ନକରିବାରୁ ପଟ୍ଟାମୁଣ୍ଡାଇ ଆଇଆଇସି, ଏସଡିପିଓ ଓ କେନ୍ଦ୍ରାପଡା ଏସପିଙ୍କୁ ଅଭିଯୋଗ କରିଥିଲେ । ଏସପିଙ୍କ ନିର୍ଦ୍ଦେଶ କ୍ରମେ ଗତକାଲି ପଟ୍ଟାମୁଣ୍ଡାଇ ଥାନା ଅଧିକାରୀ ମୃତ ବିକାଶ ଘରକୁ ଯାଇ ଉପସ୍ଥିତ ଥିବା ଭଉଣୀ ସୁନି ରାଉତ ଓ ମା ସକୁନ୍ତଳା ରାଉତଙ୍କ ବୟାନ ରେକର୍ଡ କରିଥିଲେ । ପୋଲିସ ଆସିବା ଘଟଣା ଜାଣି ସ୍ଥାନୀୟ ଲୋକେ ଭଉଣୀ ସୋନୀକୁ ଜୀବନରୁ ମାରିଦେବାକୁ ଧମକ ଦେଇଥିଲେ ବୋଲି ସେ ଚିକିତ୍ସିତ ଅବସ୍ଥାରେ କହିଛନ୍ତି ।