ଧନୁର୍ଜୟ ବିଶ୍ୱାଳ ଚାରିଟେବୁଲ ଟ୍ରଷ୍ଟର ୨୧ତମ ପ୍ରତିଭା ସମ୍ମାନ ମହୋତ୍ସବ

କେନ୍ଦ୍ରାପଡ଼ା,୨୯/୩: ବସୁପୁର ଚଉଦକୁଲାଟ ସ୍ଥିତ ମା ବାସନ୍ତୀ ଦେବୀଙ୍କ ପାର୍ବଣ ଅବସରରେ ଓଡିଶାର ପ୍ରତିଷ୍ଠିତ ପୂଜ୍ୟ ପୂଜାର ଅଗ୍ରଗାମୀ ଟ୍ରଷ୍ଟ, ଧନୁର୍ଜୟ ବିଶ୍ୱାଳ ଚାରିଟେବୁଲ ଟ୍ରଷ୍ଟର ୨୧ତମ ପ୍ରତିଭା ସମ୍ମାନ ମହୋତ୍ସବ ଅନୁଷ୍ଠିତ ହୋଇଯାଇଛି । ଉକ୍ତ ସଭାକୁ ଟ୍ରଷ୍ଟର ସଂପାଦକ ବିଶିଷ୍ଟ ସମାଜ ସେବୀ ସୁବାଶ ଚନ୍ଦ୍ର ବିଶ୍ୱାଳ ସଭାପତିତ୍ୱ କରିଥିଲେ । ମୁଖ୍ୟ ଅତିଥି ଭାବେ କେନ୍ଦ୍ରାପଡାସ୍ଥ ତୁଳସୀ ମହିଳା ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ଏବଂ କେନ୍ଦ୍ରାପଡା ବିକାଶ ପରିଷଦର ସଭାପତି ପ୍ରଫେସ ଅଜୟ କୁମାର ସାମଲ, ମୁଖ୍ୟ ବକ୍ତା ଭାବେ ଦୈନିକ ଖବର କାଗଜ ‘ସମ୍ବାଦ’ର ସହସଂପାଦକ ସତିକାନ୍ତ ନାଥ ଯୋଗ ଦେଇଥିଲେ । ଅନ୍ୟତମ ଅତିଥିଭାବେ କେନ୍ଦ୍ରାପଡା ଜିଲ୍ଲା ପରିଷଦର ପୂର୍ବତନ ସଭାପତି ମାନସ ପରିଡା । ମୁଖ୍ୟ ଅତିଥି ଏବଂ ମୁଖ୍ୟ ବକ୍ତା ଧନୁର୍ଜୟ ବିଶ୍ୱାଳ ଟ୍ରଷ୍ଟର ପ୍ରତିଭା ସମ୍ମାନ କାର୍ଯ୍ୟକ୍ରମର ଶତପ୍ରଶଂସା କରି କେନ୍ଦ୍ରାପଡା ଜିଲ୍ଲାର ପ୍ରଗତିରେ ଟ୍ରଷ୍ଟର ଭୂମିକାକୁ ଏକ ମଡେଲ ଭାବରେ ଗ୍ରହଣ କରିବାକୁ କହିଥିଲେ । ଧନୁର୍ଜୟ ବିଶ୍ୱାଳ ଚାରିଟେବୁଲ ଟ୍ରଷ୍ଟରେ ଚେୟାମ୍ୟାନ ବିଶିଷ୍ଟ ସମାଜସେବୀ ଇଂ ଭଗବାନ ବିଶ୍ୱାଳ ଅତି ବିନମ୍ର ଭାବେ କେନ୍ଦ୍ରାପଡାର ବରପୁତ୍ର ମାନଙ୍କୁ ଭକ୍ତିଭରା ଶୁଭେଚ୍ଛା ଜଣାଇ ଟ୍ରଷ୍ଟରେ ବିଭିନ୍ନ ଜନହିତ କର କାର୍ଯ୍ୟ ଓ ସମାଜ ସେବା ସମ୍ବନ୍ଧରେ ଆଲୋକପାତ କରିଥିଲେ । ଉକ୍ତ ୨୧ତମ ପ୍ରତିଭା ସମ୍ମାନ ମହୋତ୍ସବରେ ଜିଲ୍ଲାର ସର୍ବଶ୍ରେଷ୍ଠ ପ୍ରତିଭା ମାନଙ୍କୁ ଚୟନ କରି ୨୬ଜଣ ବ୍ୟକ୍ତି ବିଶେଷ ଯେଉଁମାନେ କେନ୍ଦ୍ରାପଡାର ବିକାଶ, କଳା ଓ ସଂସ୍କୃତି, ସମାଜ ସେବା, ଶିକ୍ଷା, ଜାତୀୟ ଓ ଆର୍ନ୍ତଜାତୀୟ ବୈଜ୍ଞାନିକ ଏବଂ ସାହିତ୍ୟ କ୍ଷେତ୍ରରେ ଅତ୍ୟନ୍ତ ପାରଦର୍ଶୀତା ହାସଲକରିଥିବା କେନ୍ଦ୍ରାପଡା ଜିଲ୍ଲାର ପତ୍ରିଭା ମାନଙ୍କୁ ସମ୍ମାନିତ କରାଯାଇଥିଲା । ସେଥି ମଧ୍ୟରୁ କଟକର ମେୟର ପୂର୍ବତନ ରାଜ୍ୟସଭା ସଦସ୍ୟ ସୁବାଶ ସିଂହଙ୍କୁ “କେନ୍ଦ୍ରାପଡା ଭୂମିପୁତ୍ର ସମ୍ମାନ -୨୦୨୬”ରେ ସମ୍ମାନିତ କରାଯାଇଥିଲା । “ବସୁନ୍ଧରା”ସାମାଜିକ ଅନୁଷ୍ଠାନର ସଂପାଦିକା ଶୈଳ ବେହେରାଙ୍କୁ “କେନ୍ଦ୍ରାପଡା ସେବା ରତ୍ନ ସମ୍ମାନ ”୨୦୨୬ ରେ ସମ୍ମାନିତ କରାଯାଇଥିଲା । ପୂର୍ବତନ କୂଳପତି ଏବଂ ରେଜିଷ୍ଟାର ପ୍ରଫେସର ଦେବେନ୍ଦ୍ର ନାଥ ଜେନାଙ୍କୁ ଟ୍ରଷ୍ଟର ସର୍ବୋଚ୍ଚ ସମ୍ମାନ “କେନ୍ଦ୍ରାପଡା ରତ୍ନ ୨୦୨୬”ରେ ସମ୍ମାନିତ କରାଯାଇଥିଲା । ସେହି ଭଳି କେନ୍ଦ୍ରାପଡା ଗୈାରବ ଭାବରେ କୃଷିବିଜ୍ଞାନୀ ଓ ସୁସାହିତିକ ନଟବର ଖୁଣ୍ଟିଆଙ୍କୁ ସମ୍ମାନିତ କରାଯାଇଥିଲା । ବିଶିଷ୍ଠ ଅନ୍ତଜାତୀୟ କୃଷିବିଜ୍ଞାନୀ ପ୍ରଫେସର କ୍ଷୀରୋଦ କୁମାର ଜେନାଙ୍କୁ କେନ୍ଦ୍ରାପଡା ବରପୁତ୍ର ୨୦୨୬ରେ ସମ୍ମାନିତ କରାଯାଇଥିଲା । ସାହିତ୍ୟ ସମିକ୍ଷା ଏବଂ କେନ୍ଦ୍ରାପଡାର ସଂସ୍କୃତି ଗବେଷଣା ନିମନ୍ତେ ବିଶିଷ୍ଠ ସାହିତିକ ଡ. ସବେଶ୍ୱର ସେଣଙ୍କୁ “କେନ୍ଦ୍ରାପଡା ସାହିତ୍ୟ ସରସ୍ୱତୀ ସମ୍ମାନ-୨୦୨୬” ପ୍ରଦାନ କରାଯାଇ ସମ୍ମାନିତ କରାଯାଇଥିଲା । ବସପୁର ଗ୍ରାମର ବିଦୁଭୂଷଣ ବିଶ୍ୱାଳ, ଗିରିଶ ଚନ୍ଦ୍ର ବିଶ୍ୱାଳ, ପ୍ରମୋଦ ବିଶ୍ୱାଳ, ଅଶୋକ ବିଶ୍ୱାଳ, ପରିକ୍ଷିତ ସାମଲ, ସଂଜୟ କୁମାର ଜେନା, ଜ୍ୟୋର୍ତମୟ ଦାସ ପ୍ରଭୁତି ଉପରୋକ୍ତ କାର୍ଯ୍ୟକ୍ରମର ସଫଳତା ପାଇଁ ସହଯୋଗ କରିଥିଲେ । ସର୍ବ ଶେଷରେ ଟ୍ରଷ୍ଟର ସଦସ୍ୟ କେଶବ ଚନ୍ଦ୍ର ବିଶ୍ୱାଳ ସଭାକୁ ଧନ୍ୟବାଦ ଅର୍ପଣ କରିଥିଲେ । ଅଧ୍ୟାପକ ଡଃ ହିମାଂଶୁ ଭୂଷଣ ପରିଡା ସମସ୍ତ କାର୍ଯ୍ୟକ୍ରମକୁ ସଂଯୋଜନା କରିଥିଲେ ।