ପଟ୍ଟାମୁଣ୍ଡାଇ ତା ୧୪/୮ କେନ୍ଦ୍ରାପଡ଼ା ଜିଲ୍ଲାର ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ସଦାବେଳେ ଅସହାୟଙ୍କ ପାଇଁ ସାହାରା ସାଜିଛି । ଜଗତସିଂହପୁର ଜିଲ୍ଲା ତିର୍ତୋଲ ବ୍ଲକ ପଟିଲୋ ପଂଚାୟତ ନନ୍ଦନ ଗ୍ରାମର ତପନ ବାରିକ ବୃତ୍ତି ରେ ଜଣେ ଡ୍ରାଇଭର । ତାଙ୍କର ପରିବାର କହିଲେ ମାନସିକ ବିକୃତ ବାପା ବୃଦ୍ଧ ମା ସ୍ତ୍ରୀ ଓ ୩ଝିଅ । କିଡ଼ନୀ ରୋଗରେ ପୀଡିତ ହୋଇ ଚିକିତ୍ସାଧୀନ ଅବସ୍ଥାରେ ତପନଙ୍କ ମୃତ୍ୟୁ ଘଟିଛି । ଏହି ଅସହାୟ ପରିବାରର ଦାରୁଣ ଦୁଃଖ କାହାଣୀର ଖବର ମିଡିଆରେ ପ୍ରସାରିତ ପରେ କେନ୍ଦ୍ରାପଡ଼ା ଜିଲ୍ଲାର ସାମାଜିକ ଅନୁଷ୍ଠାନ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ଏହି ପରିବାର ପାଖରେ ପହଞ୍ଚି ମୃତ ତପନଙ୍କ ସ୍ତ୍ରୀ ସଂଗୀତାଙ୍କ ସହ ଆଲୋଚନା କରି ପରିବାର ଚଳିବା,ପିଲାଙ୍କ ପାଠପଢା ଓ ବୃଦ୍ଧ ବାପା ମା ଙ୍କୁ ସହାୟତା ସହ ସଂଗୀତାଙ୍କୁ ସ୍ୱରୋଜଗାର ଯୋଜନାରେ ସାମିଲ କରାଯିବବା ନେଇ ଆଲୋଚନା କରିଥିଲେ । ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ସଭାପତି ଦମନ ମହାନ୍ତି, ଟ୍ରଷ୍ଟ ପରାମର୍ଶଦାତା ନିମାଇଁ ଚରଣ କର, ମୁଖପାତ୍ର ପ୍ରମୋଦ ନାୟକ ଟ୍ରଷ୍ଟର ଅନୁଗୁଳ ପ୍ରତିନିଧି ପ୍ରଶାନ୍ତ କୁମାର ଦାଶ, ସୁରେନ୍ଦ୍ରନାଥ ଶତପଥୀ, ବଳରାମ ଦାସ ଚିତ୍ତରଞ୍ଜନ ବସନ୍ତରାୟ ପ୍ରମୁଖ ଏହି ଅସହାୟ ପରିବାରକୁ ଭେଟି ୨ମାସର ରାସନ ସଉଦା ସହ ପିଲାମାନଙ୍କ ପାଠପଢା ପାଇଁ ଆର୍ଥିକ ସହାୟତା ପ୍ରଦାନ ସହ ଆଗାମୀ ଦିନରେ ଏହି ଦୁସ୍ଥ ପରିବାରକୁ ସମସ୍ତ ସହାୟତା ଯୋଗାଇ ଦେବାକୁ ଟ୍ରଷ୍ଟ କର୍ମକର୍ତ୍ତା ପ୍ରତିଶୃତି ଦେଇଥିଲେ।
Leave a Reply