କେନ୍ଦ୍ରାପଡ଼ାରେ ଗଡ଼ିଲା ଇଭିଏମ୍ ଭିଭିପିଏଟି ଭ୍ରାମ୍ୟମାଣ ସଚେତନତା ରଥ

ଆସନ୍ତା ୨୦୨୪  ସାଧାରଣ ନିର୍ବାଚନ ପାଇଁ ଇଭିଏମ୍ ଓ ଭିଭିପିଏଟି ସଚେତନତା କାର୍ଯ୍ୟକ୍ରମର ଶୁଭାରମ୍ଭ ହୋଇଯାଇଛି। ଅତିରିକ୍ତ ଜିଲ୍ଲାପାଳ (ରାଜସ୍ୱ) ନିଲୁ ମହାପାତ୍ର ଓ ଡେପୁଟି କଲେକ୍ଟର(ନିର୍ବାଚନ) ଶିବାଶିଷ ପରିଡ଼ାଙ୍କ ଦ୍ୱାରା ଏହା ଶୁଭାର କରାଯାଇଛି । ଜିଲ୍ଲାପାଳ ଅମ୍ରିତ୍ ଋତୁରାଜଙ୍କ ନିର୍ଦ୍ଦେଶକ୍ରମେ ୯ଟି ବ୍ଲକ ଓ ୨ଟି ପୌରାଚଂଳରେ ମୋଟ୍ ୧୧ ଗୋଟି ଭ୍ରାମ୍ୟମାଣ ସଚେତନତା ରଥ ବୁଧବାର ଠାରୁ ଭ୍ରମଣ ଆରମ୍ଭ କରିଛି । ଏହି ସଚେତନତା ଅଭିଯାନ ଆସନ୍ତା ଫେବୃଆରୀ ୨୯ ତାରିଖ ପର୍ଯ୍ୟନ୍ତ ଚାଲୁରହି ଇଭିଏମ୍ ଓ ଭିଭିପିଏଟିର ସହଜ ବ୍ୟବହାର ସମ୍ପର୍କରେ ଲୋକଙ୍କୁ ସୁପରିଚିତି ବା ଫାମିଲିଆର୍ କରାଇବ ବୋଲି ଡେପୁଟି କଲେକ୍ଟର ଶ୍ରୀ ପରିଡ଼ା ସୂଚନା ଦେଇଛନ୍ତି ।୨୦୨୪ ସାଧାରଣ ନର୍ବାଚନର ଅବ୍ୟବହିତ ପୂର୍ବରୁ କେନ୍ଦ୍ରାପଡ଼ାବାସୀ ନିର୍ବାଚନକୁ ମୁକ୍ତ, ଅବାଧ ଓ ନିରପେକ୍ଷ କରିବା ଦିଗରେ ନାଗରିକଙ୍କର ରହିଛି ଗୁରୁ ଦାୟିତ୍ୱ । ତେଣୁ ସେମାନଙ୍କ ମନରେ ଉପଜୁଥିବା ଦ୍ୱନ୍ଦ୍ୱ /ସମସ୍ୟାର ପରିସମାପ୍ତି ପାଇଁ ଇଭିଏମ୍ ଓ ଭିଭିପିଏଟିର ସଫଳ ବ୍ୟବହାର କୌଶଳ ବିଷୟରେ ଜାଣିବା ମଧ୍ୟ ସେମାନଙ୍କ ଅଧିକାର । ତେଣୁ ଭାରତୀୟ ନିର୍ବାଚନ କମିସନ୍ ନିର୍ଦ୍ଦେଶକ୍ରମେ ଏହି ଭ୍ରାମ୍ୟମାଣ ସଚେତନତା ରଥ ଜିଲ୍ଲାର ସମସ୍ତ ପୋଲିଂ ଷ୍ଟେସନ୍ ବୁଲି ଇଭିଏମ୍ ଓ ଭିଭିପିଏଟିର  ସହଜ ବ୍ୟବହାର ସମ୍ପର୍କରେ ବାର୍ତା ବାଂଟିବା ସହ ଲୋକଙ୍କୁ ଏହା ପ୍ରତି ଫାମିଲିଆର୍ ବା ସୁପରିଚିତି କରାଇବ ।