ପଡୋଶୀ ନାଲିବତୀ ଗାଡିରୁ ବଟିକା ଖାଇ ଫେରିଛନ୍ତି ରାଜନଗର ନେତା , ବିଧାୟକ ଟିକେଟ ଆଶାରେ ନେତା ଓ କର୍ମୀ

କେନ୍ଦ୍ରାପଡା,୨୮ା୮; ବଦଳିବ କି ରାଜନଗରର ରାଜନୈତିକ ଚିତ୍ର । ଶାସକ ଦଳରେ ଗୋଷ୍ଠୀ କନ୍ଦଳ ସାମାଜିକ ଗଣମାଧ୍ୟମରେ ଦଳୀୟ ନେତା ଓ କର୍ମୀଙ୍କ ମଧ୍ୟରେ ଚାଲିଥିବା କଥାକଟାକଟି ଏହି ଚର୍ଚ୍ଚାକୁ ଖୋରାକ ଯୋଗାଇଛି । ସାଧାରଣ ନିର୍ବାଚନକୁ ଆଉ ଅଳ୍ପଦିନ ବାକି ଥିବା ବେଳେ ରାଜନଗର ନିର୍ବାଚନ ମଣ୍ଡଳୀରେ ବିଜେଡିର ଗୋଷ୍ଠୀ କନ୍ଦଳ ତୀବ୍ର ହେବାରେ ଲାଗିଛି । ଦଳୀୟ କର୍ମୀ ଓ ନେତାମାନେ ଦୁଇ ଗୋଷ୍ଠୀ ହୋଇ ସୋସିଆଲ ମିଡିଆରେ କଥା କଟାକଟି ହେଉଥିବା ପରିଲକ୍ଷିତ ହେଉଛି । ବିଶେଷକରି ବିଧାୟକ ଧ୍ରୁବ ସାହୁ ଓ ବ୍ଲକ ବିଜେଡି ସଭାପତି ତଥା ଜିଲ୍ଲା ପରିଷଦ ଉପାଧ୍ୟକ୍ଷ ଅଶୋକ କୁମାର ପ୍ରତିହାରୀଙ୍କ ସମର୍ଥକଙ୍କ ମଧ୍ୟରେ ବ୍ୟବଧାନ ଧିରେ ଧିରେ ବଢିବାରେ ଲାଗିଛି । ସୋସିଆଲ ମିଡିଆରେ ଏହି ଯୁଦ୍ଧ ଏତେ ତୀବ୍ର ହେଲାଣୀ ଯେ, ଦଳୀୟ ସମର୍ଥକମାନେ କିଂକର୍ତବ୍ୟ ବିମୂଢ ହୋଇଗଲେଣି । ଏନେଇ ଦଳର ଜିଲ୍ଲା ସଭାପତି ଅଶୋକଙ୍କୁ ବିଜେଡି ସଭାପତି ପଦରୁ ହଟାଇ ଦେଇଛନ୍ତି । ପଟ୍ଟାମୁଣ୍ଡାଇ ଅଂଚଳ କଥା ଛାଡନ୍ତୁ । ଅଶୋକଙ୍କୁ ସଭାପତି ପଦରୁ ହଟାଇବା ପରେ ବିଧାୟକ ଏବେ ବି ବିପଦମୁକ୍ତ ନୁହଁନ୍ତି । ରାଜନଗର ବ୍ଲକରେ କେବଳ ଅଶୋକ ନୁହଁନ୍ତି, ରାଜ୍ୟ ରାଜନୀତିରେ ପତିଆରା ଜାହିର କରିଥିବା ପଡୋଶୀ ନିର୍ବାଚନ ମଣ୍ଡଳୀର ମନ୍ତ୍ରୀଙ୍କ ନିକଟରେ ଦୁଇଜଣ ନେତା ବିଧାୟକ ପାଇଁ ବଟିକା ଖାଇ ଫେରିଥିବା ଚର୍ଚ୍ଚା ଜୋର ଧରିଛି । ଏକ ବିଶେଷ ସୂତ୍ରରୁ ଜଣାଯାଏ ଯେ, ପ୍ରଭାବଶାଳୀ ତଥା ପଡୋଶୀ ନିର୍ବାଚନ ମଣ୍ଡଳୀର ମନ୍ତ୍ରୀଙ୍କ ଆର୍ଶୀବାଦ ପାଇଛନ୍ତି । କିଛିଦିନ ପୂର୍ବେ କେନ୍ଦ୍ରାପଡାର ଏକ ମଣ୍ଡପରେ ପ୍ରାକ୍ତନ ପଚାଂୟତ ସମିତି ଅଧ୍ୟକ୍ଷ ଓ ପ୍ରାକ୍ତନ ପଚାଂୟତ ସମିତି ଅଧ୍ୟକ୍ଷଙ୍କ ସଂପର୍କୀୟ ବନ୍ଦ ଘରେ ମନ୍ତ୍ରୀଙ୍କ ସହ ପ୍ରାୟ ୨ଘଂଟା କାଳ ଆଲୋଚନା କରି ଫେରିଥିବା ନାମ ଗୋପନ ସୂତ୍ରରେ ବିଜେଡିର ଜଣେ ଆଗଧାଡିର କର୍ମୀ ପ୍ରକାଶ କରିଛନ୍ତି । ଜନସାଧାରଣଙ୍କ ଆଲୋଚନାରୁ ଯାନଯାଏ ପଟ୍ଟାମୁଣ୍ଡାଇ ରାଜନୈତିକ ଇତିହାସକୁ ଅନୁଧ୍ୟାନ କଲେ ଜଣାଯାଏ ଯେ, କୈାଣସି ନେତାଙ୍କୁ ଲଗାତର ଭାବେ ଦ୍ୱିତୀୟ ଥର ପାଇଁ ସେମାନେ ନିର୍ବାଚିତ କରିନାହାଁନ୍ତି । ପଟ୍ଟାମୁଣ୍ଡାଇ ଅଂଚଳର ଐତିହ୍ୟ ଏପରି ଥିବା ବେଳେ ରାଜନଗରରେ ଦଳୀୟ ଗୋଷ୍ଠୀ କନ୍ଦଳ ଯୋଗୁଁ ଶାସକ ଦଳ ପାଇଁ କାଳ ହେବ ବୋଲି ରାଜନଗର ଓ ପଟ୍ଟାମୁଣ୍ଡାଇ ଅଂଚଳରେ ଚର୍ଚ୍ଚା ଜୋର ଧରିଥିବା ରାଜନୈତିକ ବିଶ୍ଳେଷକମାନେ ମତବ୍ୟକ୍ତ କରିଛନ୍ତି । ବିଜୁ ଜନତା ଦଳର କିଛିକର୍ମୀ ଯିଏ ଟିକେଟ ଆଣିବ ଆମେ ତାଙ୍କୁ ନେତା ଭାବେ ଗ୍ରହଣ କରିବୁ ବୋଲି ରୋକଠୋକ କହୁଥିବା ବେଳେ ଅଧିକାଂଶ କର୍ମୀ ବିଧାୟକ ଧ୍ରୁବ ସାହୁ ଭଳି ନେତା ମିଳିବେ ନାହିଁ ବୋଲି କହୁଛନ୍ତି । ଅପରପକ୍ଷରେ କେବଳ ଜିଲ୍ଲାପରିଷଦ ଉପାଧ୍ୟକ୍ଷ ଅଶୋକ ନୁହଁନ୍ତି, ପଟ୍ଟାମୁଣ୍ଡାଇ ଅଞ୍ଚଳରୁ ମଧ୍ୟ ବିଧାୟକ ଦୈାଡରେ ସାମିଲ ହେବା ପାଇଁ ଅଂଟା ଭିଡିଲେଣି ବୋଲି ଚର୍ଚ୍ଚା ଲାଗି ରହିଛି । ମଣ୍ଡପରେ ମନ୍ତ୍ରୀଙ୍କ ଉପସ୍ଥିତି ନିର୍ବାଚନ ବିଗୁଲ ନବାଜୁଣୁ ରାଜନଗର ନିର୍ବାଚନ ମଣ୍ଡଳୀରେ ରାଜନୈତିକ ଉଷ୍ମତା ଭରି ଦେଲାଣି ।