କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ଥାନା ବେଲତଳ ଛକ ଠାରେ ଆୟକର ବିଭାଗ ସରକାରୀ ଗାଡି ଦୁର୍ଘଟଣା ଗ୍ରସ୍ତ ହୋଇଛି । ରବିବାର ସଂନ୍ଧ୍ୟାରେ କୌଣସି ଏକ ସରକାରୀ କାମରେ ପଟ୍ଟାମୁଣ୍ଡାଇ ଆସି ଫେରୁଥିବା ବେଳେ ବେଲତଳ ନିକଟରେ ଜଣେ ବାଇକ ଚାଳକ ସହିତ ମୁହାଁମୁହିଁ ଧକ୍କା ହୋଇଥିଲା । ଫଳରେ ବାଇକ ଚାଳକ ଛିଟିକି ପଡିଥିବା ବେଳେ ତାଙ୍କ ମୁହଁରୁ ରକ୍ତ ବାହାରୁଥିବା ଦେଖିବାକୁ ମିଳଛି । ଅନ୍ୟ କେହି ଆହତ ହୋଇନଥିବା ବେଳେ ଆୟକର ବିଭାଗ ଇନୋଭା ଗାଡି ଆଗ ବମ୍ଫର ଭାଙ୍ଗି ଯାଇ ଥିବା ବେଳେ ବଇକଟି ଚୁରମାର ହୋଇଯାଇଛି । ବାଇକ ଚାଳକଙ୍କୁ ଡାକ୍ତରଖାନାକୁ ଚିକିତ୍ସା ପାଇଁ ଅଗ୍ନିଶମ ବାହିନୀ ଗାଡିରେ ପଠାଯାଇଛି ।
