କେନ୍ଦ୍ରାପଡା ୨୦/୧: ଅଯୋଧ୍ୟାରେ ରାମଲାଲାଙ୍କ ପ୍ରାଣପ୍ରତିଷ୍ଠା ଉତ୍ସବ ପାଇଁ ସାମାଜିକ ସଂଗଠନ ‘ଜୟରାଷ୍ଟ୍ର’ ଓ କଜଳାସ୍ଥିତ କିନ୍ନର ସମାଜର ଏକ ମିଳିତ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଜାନୁୟାରୀ ୨୨ତାରିଖରେ ବିଭିନ୍ନ ଆଧ୍ୟାତ୍ମିକ କାର୍ଯ୍ୟକ୍ରମ କରିବା ପାଇଁ ନିଷ୍ପତ୍ତି ନିଆଯାଇଥିଲା । ଏହିଦିନ କିନ୍ନର ସମାଜ ପକ୍ଷରୁ ଏକ ଭବ୍ୟ ରାମରଥ ସହର ପରିକ୍ରମା କରିବା ନେଇ କାର୍ଯ୍ୟକ୍ରମ ସ୍ଥିର ହୋଇଛି । କିନ୍ନରମାନେ ଏହିଦିନ ସାତ୍ୱିକ ଭୋଜନ କରିବା ସହ ସ୍ୱତନ୍ତ୍ର ପୂଜାର୍ଚ୍ଚନା ମଧ୍ୟ କରିବେ । ବୈଠକରେ ଜୟରାଷ୍ଟ୍ର ପକ୍ଷରୁ କିନ୍ନରମାନଙ୍କୁ ପଞ୍ଚକର୍ମ ପତ୍ର ବଣ୍ଟନ କରାଯାଇଥିଲା । ଆୟୋଜିତ ବୈଠକରେ “ଜୟରାଷ୍ଟ୍ର”ର ପ୍ରଦେଶ ସହସଂଯୋଜକ ବିରେନ୍ଦ୍ର ଦାସ ଓ ରଶ୍ମିରଞ୍ଜନ ସ୍ୱାଇଁଙ୍କ ସମେତ କିନ୍ନର ସମାଜ ସଭାପତି ଦେବୀକା ବାରିକ, ସଦସ୍ୟ କଣ୍ଢେଇ ମଲ୍ଲିକ, ସୋନି ମଲ୍ଲିକ, ତନିସା ନାୟକ, ସ୍ନେହା ବୈଶାଖୀ ସାହୁ, ମୁସ୍କାନ ବେହେରୁ ପ୍ରମୁଖ ଯୋଗ ଦେଇଥିଲେ ।
